Storico e umano incontro tra uno che no' ghe crede
E 'naltro, rapresentante nea terra de chi no' se vede

El primo, a so' dire, se sentia tanto…tanto emossionà
El secondo col tremoin dai ani e tragedie a Lu capità

In quei pochi ventisinque minuti par dirse e parlarse
I se gà contà quasi tuto e messo daccordo sol da farse.
Calcoeando 'na pagina pronunsià ogni sinque minuti,
me pare normae par i do' che no' se gera mai veduti,
in tuto i s'à dito sinque paginete Aquattro de formato.
Ghe abonemo el tempo par el regaeo che i se ga fato.

Pa' no' tirarla massa par le lunghe ve'a riassumo cussì:
'Pena entrà,el Papa gà sarà ea porta e i' gera a tu par ti.
Mass. S-s-s-Santità…!?
G.P. …so quà….
Mass. S-so emozionà.
G.P. Ma dai…valà.
Mass. No go paroe
G.P. Me basta e scoe Mass. Mi me impegno
G.P. Varda che ghe tegno

'Pena finia ea discussion
i ga dito anca 'na orassion
eee…. Dopo
Mass. …..Santo Padre
G.P. …Si!?...
Mass. 'desso no' tremo pi'

Me fasso da ieri, e tuti i di',
El segno dea crose anca mi.
Go oncora 'na olta capio, co' iori do',
Che ogni soe ze proprio 'nda' tuto zo.